Handlingsplan for likestilling ved Høgskulen i Volda


FØREORD

1 BAKGRUNN FOR LIKESTILLINGSARBEIDET VED HVO

1.1 Lov- og avtaleverk
1.2 Fordeling av kvinner og menn i ulike stillingskategoriar
1.3 Fordeling av kvinner og menn mellom valde leiarar
1.4 Fordeling av kvinner og menn mellom studentane
1.5 Kvinner og lønn

2 OVERORDNA MÅL

3 PERSONALPOLITIKK

3.1 Holdningsskapande arbeid
3.2 Kompetanseutvikling/leiarutvikling
3.3 Kunngjeringstekster og stillingsomtalar
3.4 Kvotering ved tilsettingar
3.5 Styre, råd og utvalg
3.6 Likelønn
3.7 Arbeidsvilkår

4 FORSKINGS- OG UTVIKLINGSARBEID

4.1 Rekruttering av kvinner

5 UNDERVISNING

5.1 Innhald i studiane
5.2 Organisering av undervisninga
5.3 Haldningsskapande tiltak

 

 

 

 

 

 

 

 

 

Føreord

Likestillingsutvalet ved Høgskulen i Volda legg med dette fram handlingsplan for likestilling for Høgskulen i Volda.

Ifølgje Hovudavtalen og Tilpasningsavtalen til Hovudavtalen for Høgskulen i Volda har Likestillingsutvalet eit særleg ansvar som initiativtakande og rådgjevande organ med saksoppgaver innan dei rammene som Hovudavtalen, tilpasningsavtalen og personal-reglementet set. På dette grunnlaget har Likestillingsutvalet tatt initiativ til å utarbeide  ein handlingsplan. Det er høgskulens ansvar å følgje opp handlingsplanen i samarbeid med m.a. Likestillingsutvalet. Handlingsplanen har ei tidsramme på fire år.

Handlingsplanen kap. 1 gir en bakgrunn for likestillingsarbeidet og fører fram til overordna mål i kap. 2.  Dei følgjande kapitla tek føre seg dei tre hovudområda personalpolitikk, forskings- og utviklingsarbeid  (FoU) og undervisning.  Innan kvart hovudområde er det sett opp delmål, foreslått tiltak og peika på ansvarlege instanser.

Ansvar for likestilling ligg hos leiarane på alle nivå i organisasjonen.  Dei skal sjå til at likestillingsheimlane i lov- og avtaleverk vert følgde, og sørge for at mål for likestillingsarbeidet vert ivaretatt i høgskolens plan- og budsjettarbeid.  Likestilling må integrerast i sentrale styringsdokument og i all anna verksemd ved høgskolen.


Volda, januar 2002
 

 

 

 

 

 

 

 

 

 

1 BAKGRUNN FOR LIKESTILLINGSARBEIDET VED HVO

1.1 Lov- og avtaleverk

Likestilling har gjennom mange år vore ein del av offisiell norsk politikk.  Grunnlaget for likestillingsarbeidet ved universitet og høgskolar finn ein i ei rad bestemmelsar i lov- og avtaleverket.  Det vert vist til lov om likestilling, lov om universitet og høgskolar § 30  nr. 3 og 4, Hovudavtalen i staten § 21, den einskilde verksemd sin tilpasningsavtale og personal-reglement, og  personalpolitiske og lønnspolitiske dokument.

Likestillingslova sin formålsparagraf, § 1 seier:

"Denne lov skal fremme likestilling mellom kjønnene og tar særlig sikte på å bedre kvinners stilling."

Vidare heiter det i lova sin generalklausul, § 3:

"Forskjellsbehandling av kvinner og menn er ikke tillatt. (....) Ulik behandling som i samsvar med lovens formål fremmer likestilling mellom kjønnene er ikke i strid med første ledd.  Det samme gjelder kvinners særlige rettigheter ut fra den eksisterende ulike situasjon mellom kvinner og menn."

I høgskulen sin tilpasningsavtale til Hovudavtalen er det bestemt at høgskolen skal ha eit likestillingsutval som skal ha eit spesielt ansvar som initiativtakende og rådgjevande organ med saksoppgaver innan for dei rammene som Hovudavtalen, tilpasningsavtalen og personal-reglementet set.

Mål for likestillingsarbeidet ved Høgskulen i Volda er omtala i tilpasningsavtalen:

"Høgskulen i Volda skal gjennom ein aktiv personalpolitikk arbeide med det føremål å oppnå ei reell likestilling mellom kjønna.  Fordelinga av leiande stillingar og verv skal også vere prega av likestilling mellom kvinner og menn." (sjå pkt. 8.3.1 ). 

Vidare er likestilling omhandla i retningsliner for det personalpolitiske arbeidet ved Høgskulen i Volda som eit eige satsingsområde innan personalpolitikken.  I arbeidet med handlingsplanen har Likestillingsutvalet tatt utgangspunkt i desse dokumenta.

1.2 Fordeling av kvinner og menn i ulike stillingskategorier

I studieåret 2001/2002 er det ved Høgskulen i Volda i alt 211,05 fast og mellombels tilsette i heiltids- og deltidsstillingar.      Av desse er  87,1 kvinner og 123,95 menn, prosentualt  41,27% kvinner/ 58,75% menn; i overkant av 4 av 10 tilsette er kvinner.  Fordelinga innan dei einskilde stillingsgrupper og stillingskategoriar viser store variasjonar.  Andelen kvinner vert lavare etter kvart som ein går oppover i stillingshierarkiet.

I administrative stillingar er det 61% kvinner.  I denne gruppa finn ein administrative leiar-stillingar der kvinneandelen for tida er på 20%.   Mellom kontorsjefane (4 tilsette) er der ingen kvinner.  Ingeniørar og  teknisk driftspersonale er ei sterkt mannsdominert stillingsgruppe med berre menn tilsett.  På den motsette sida har vi biblioteket som med sine 8,25 stillingar (5,75 bibliotekarar + 2,5 kontortilsette) har 69,7% kvinner.  

I dei faglege stillingane er kvinneandelen størst i dei lavaste stillingskategoriane.  Mellom høgskulelærarar er det 39,1% kvinner, medan i stillingsgruppe høgskulelektor har kvinne-andelen stige til 43,4%,  amanuensis 17,4%, førsteamanuensis 15,9% og førstelektor 26,2%.  Vitenskaplege stillingar sett under eitt med 128,95 tilsette finn vi ein kvinneandel på 31,49%, medan i stipendiatstillingar (3,25 stillingar) er kvinneandelen for tida nokså høg – 61,5%.   Mellom 8,9 stillingar som professor og dosent er der kun ei kvinne, prosentualt vert dette 11,2.  Høgskulen har for tida to halve forskarstillingar der menn er tilsett.  For fleire detaljar sjå vedlagde stillingsfordeling mellom kvinner og menn (DBH-tabellar hausten 2001).

1.3 Fordeling av kvinner og menn mellom valde leiarar

Faglege leiarar vert valde for ein periode på tre år.  For valperioden 2000-2003 vart det vald mannleg rektor og prorektor. Mellom valde dekaner er 1 kvinne (25 %) og 3 menn (75 %).   For prodekanane er bildet det same: 1 kvinne og 3 menn. Mellom dei 2 valde studieleiarane er 1 kvinne og 1 mann.  Fordelinga totalt for dei valde leiarane er  30% kvinner og 70% menn.

1.4 Fordeling av kvinner og menn mellom studentane

Høgskulen i Volda har 27 grunnutdanninger.  I studieåret 2001/2002 er det 2660 studentar ved utdanningane ved høgskulen.   Studentane fordeler seg med  70,8 % kvinnelege og  29,2 % mannlege studentar.

1.5 Kvinner og lønn

Ei samanlikning av lønnsforholda mellom kvinner og menn innanfor same stillingskategori viser ingen systematisk forskjell på fagleg side. På administrativ side derimot finn ein til dels store forskjellar til defisit for kvinner. Ved dei lokale lønnsforhandlingane har det dei siste åra vore sentrale føringar om at kvinner skulle tildelast ein større del av potten enn pro rata del av lønnsmassa. Dei lokale forhandlingane har retta opp ein del tidlegare skeivskapar i lønn mellom kvinner og menn. 
 

2 OVERORDNA MÅL

På bakgrunn av situasjonsanalysen og det lov- og avtaleverk som ligg til grunn for likestillingsarbeidet,  er målet for Høgskulen i Volda dette:

Det skal være full likestilling mellom kvinner og menn ved Høgskulen i Volda.  Høgskulen skal i si verksemd avspegle kvinner og menn si  verkelegheit og perspektiv og gi like utviklings-, lærings- og karriereplanar for begge kjønn.

Likestillingsarbeidet har både ei kvantitativ og ei kvalitativ side.  Den kvantitative sida kjem til uttrykk t.d. ved at det innanfor personalpolitikken er eit mål at den prosentvise fordelinga av kvinner og  menn ved høgskulen skal visast igjen i prosentvis fordeling av leiande stillingar og verv.  Den kvalitative sida kjem til uttrykk m.a. gjennom målet at begge kjønn si verkelegheit og perspektiv skal reflekterast i verksemda ved høgskulen. Ei jamnare fordeling av kvinner og menn innan dei ulike stillingskategoriar kan medføre større mangfald og breidde i faga, både når det gjeld undervisning og forskings- og utviklingsarbeid, og ikkje minst i administrasjon og leiing.

Handlingsplanen er meint å vere rettleiande for arbeidet med likestilling ved høgskulen, og er tenkt integrert i høgskulen sine andre plandokument, undervisning og forsking.  Det er viktig at likestillingsarbeid ikkje blir eit vedheng, og at målet om full likestilling mellom kjønna ikke blir gløymt når konkrete vurderingar og avgjerder vert fastlagde. Handlingsplanen skal være ein pådrivar og ei påminning om at kjønnsperspektivet skal vere integrert i all verksemd ved høgskulen.  Dette fører med seg  m.a. vilje og evne til å sette søkelys på kjønnsbetinga forskjellbehandling og vilje til å bruke kjønn som faktor ved ressursfordeling.

I kap. 3-5 er det utarbeidd delmål og forslag til tiltak innanfor områda personalpolitikk, forskings- og utviklingsarbeid og undervisning.
 

3 PERSONALPOLITIKK

Delmål:

Høgskulen i Volda skal gjennom sin personalpolitikk fremje kvinner si utvikling og moglegheiter for å oppnå reell likestilling mellom kjønna. Representasjonen av kvinner og menn i leiande stillingar og verv skal vere i samsvar med fordelinga av kvinner og menn elles ved høgskulen.

Omtalen under punkt 1.2 og 1.3  viser at fire av ti tilsette ved høgskulen er kvinner. Målet er å få ei fordeling mellom kjønna i leiande stillingar og verv og i høgre undervisnings- og forskarstillingar som avspeglar fordelinga av kvinner og menn totalt sett ved høgskulen.  Kvinner sin representasjon i styrer, råd og utval skal oppfylle krava i lov- og regelverk.

Leiarar har ei viktig haldningsskapande rolle.  Både i praktisk utføring av personalleiing og i den daglege kommunikasjon med medarbeidarane, skal leiarane ta likestillingsaspektet alvorleg.  Leiarar må signalisere vakne haldningar til likestillingsspørsmål og sjå likestillings-arbeid som ein del av sitt resultatansvar.

Det er ein spesiell leiaroppgave å ta vare på omsynet til likestilling ved å tilrettelegge kompetanseutviklande arbeidsoppgaver for kvinner, ved bevisst å motivere kvinner til å kvalifisere seg for faglege og administrative toppstillingar.  Dessutan er det ein leiar sitt ansvar å synleggjere og utvikle leiartalent hos medarbeidarar.
 

3.1 Haldningsskapande arbeid

For å få til ei positiv utvikling med likestillingsarbeidet er det ein føresetnad at alle ser at dette arbeidet er naudsynt og at det er rett satsing  Å endre haldningar tar tid.  Tiltak for å sette i gong ein slik endringsprosess bør setjast inn på fleire område og takast opp frå ymse vinklar.

Tiltak:

Ansvarleg:

Likestillingsutvalet og Personalkontoret
 

3.2 Kompetanseutvikling/leiarutvikling

Høgskulen må legge forholda til rette for å gje kvinner kompetanseutviklande oppgaver.  Vidare er det eit mål å auke den prosentvise andelen av kvinner i førstestillingar og av kvinner i administrative leiarstillingar.

Tiltak:

·        Vurdere etablering av tverrfagleg forum for kvinner for presentasjon av forskingsresultat

·        Legge til rette for at alle tilsette, og spesielt kvinner, får arbeidsoppgaver som gir kompetanseutvikling og som gir utteljing ved stillingsopprykk

·        Rekruttere og  kvalifisere kvinner til leiande stillingar ved eigen intern leiaropplæring

·        Vurdere å arrangere IT-kurs for kvinner

·        Vurdere å arrangere kurs i presentasjonsteknikk for kvinner

·        Kvinner må oppfordrast og oppmuntrast til å søke/melde seg på ulike kompetanse-hevande tiltak ved høgskulen og ved andre institusjonar.  Kompetanseheving kan skje gjennom:

o       - Stipend  (FoU-stipend, doktorgradsstipend og vikarstipend)

o       - Leiartrening, vikar-/fungeringsordningar for kvinner

o       - Deltaking i råd og utval

Ansvarleg:

Personalkontoret, nærmaste overordna administrative og faglege leiar

3.3  Kunngjeringstekster og stillingsomtalar

Kvinner kan tape i konkurransen dersom stillingsomtalar og kunngjeringstekster ikkje gir eit breidt bilete av dei eigenskapar og kompetanse som er nødvendig for stillinga, men legg einsidig vekt på kvalifikasjonar og kompetanse som menn oftare har.

Tiltak:

·        Kunngjeringstekster og stillingsomtalar må utformast slik at dei ikkje favoriserer det eine kjønnet

·        Ved utlysing av stillingar skal kvinner aktivt oppfordrast til å søkje der kvinner er klart underrepresentert på fag-, seksjons- eller leiarnivå

Ansvarleg:

Leiarar på alle nivå, innstillings- og tilsettingsorgan

3.4 Kvotering ved tilsettingar

Kvinner er i eit lite mindretal ved høgskulen, og gjeldande kvoteringsordning ( Hovedavtalens § 21 og Tilpasningsavtalens pkt. 8.3 ) vil normalt ikkje bli brukt, utan at det vert teke utgangs-punkt i ei gruppe tilsette innanfor det einskilde kontor/avdeling/stillingsgruppe.  Tilpasningsavtalen opnar for dette.
 
Tiltak:

Ansvarleg:

Instansar som utarbeider utlysingstekster og stillingsomtalar, leiarar, innstillings- og tilsettingsorgan
 

3.5 Styre, råd og utval

I styre, råd og utval med 4 medlemmer eller fleire, skal kvart kjønn vere representert med minst 40 % av medlemmene. Same krav bør også oppfyllast ved samansetting av mindre formelle grupper, som t.d. arbeids- og prosjektgrupper.  I utval med 2 eller 3 medlemmer skal begge kjønn vere representert.  I sakkunnige utval som vert oppnemde i samband med tilsetting i faglege stillingar skal begge kjønn være representert, jf. lov om universiteter og høgskoler § 30 nr. 4.

Tiltak:

Ansvarleg:

Leiarar og nominasjonskomitéar ved val til verv

3.6. Likelønn

Den lokale lønnspolitikken skal sikre reell likelønn mellom kjønna.

Tiltak:

Ansvarleg:

Personalkontoret, tenestemannsorganisasjonane, administrative og valde leiarar.

3.7 Arbeidsvilkår

Forholda bør leggast til rette for tilsette med omsorgsansvar.

Tiltak:

Ansvarleg:

Personalkontoret
 

4 FORSKINGS- OG UTVIKLINGSARBEID

Delmål:

Forskings- og utviklingsarbeidet ved Høgskulen i Volda skal reflektere kvinner og menn si verkelegheit og perspektiv, og gi like moglegheiter til igangsetting og gjennomføring av forskingsarbeid.

 

4.1 Rekruttering av kvinner / Rammer for forsknings- og utviklingsarbeid

Forskerutdanning og veiledning må organiserast slik at kvinner vert stimulert til igangsetting og gjennomføring av forskingsarbeid,

Kvinner har ofte ein annan profil på karriere enn menn.  For mange kvinner fell rekrutterings-fasen saman med fødsels- og småbarnsperioden. Rammene for forskings- og utviklings-prosjekt må leggast til rette slik at kvinner i alle livsfaser vert gjeve moglegheiter  for å kunne sette i gang og gjennomføre  prosjekt.

Tiltak:

Ansvarleg:

FoU-ansvarleg (FoU-koordinator)

5 UNDERVISNING

Delmål:

Høgskulen i Volda skal i undervisning og formidling reflektere kvinner og menns verkelegheit og perspektiv, og gi kvinnelege og mannlege studenter like utviklings- og læringsvalg.

5.1 Innhald i studiane

Det er eit mål å sikre kvinners og menns perspektiv i innhald og undervisning ved dei ulike studieretningane ved høgskulen og å sjå til at dette vert reflektert i studieplanar og val av pensumlitteratur. Likestillingslova slår dessuten fast at læremiddel som vert nytta skal bygge på likestilling mellom kjønna.  Alle studieplanar og pensumlister bør gjennomgåast med dette som mål.  I den kontinuerlege evaluering av studiet er det viktig å lytte til synspunkt frå det underrepresenterte kjønn.  Spesielt må ein innan kvinne-/mannsdominerte studiar sjå til at kvinner/menns synspunkt blir fanga opp.  Innanfor desse fagområda er det viktig å knytte til seg  lærerkrefter frå det motsette kjønn (sjå også kap. 3 Personalpolitikk).

Tiltak:

Ansvarleg:

Avdelingsadministrasjon, dekanus og studieleiar

5.2 Organisering av undervisninga

Undervisninga må organiserast slik at det vert gjeve like moglegheiter for begge kjønn til å gjennomføre studiet.  I val av undervisningsmetoder må det passast på at det ikke vert valgd  metoder som favoriserer det eine kjønnet, eller som appellerer til berre det eine kjønnet.
 
Tiltak:

Ansvarleg:

Studiesjef, avdelingsadministrasjon og dekanus

5.3  Haldningsskapande tiltak

For å rekruttere fleire kvinner til mannsdominerte fag, til hovudfag og doktorgradsstudiar og m enn til kvinnedominerte fag er det viktig å vektlegge haldningsskapande  og miljømessige tiltak.

Det er viktig å skape auka bevisstgjering og forståing mellom dei tilsette om dei problem kvinner kan møte i universitets- og høgskulekulturen. 

Tiltak:

Ansvarleg:

 

Alle